દુનિયાનાં દરેક વ્યક્તિનું એક સ્વપ્ન હોય છે પોતાનું ઘર અને દરેક વ્યક્તિ તેનાં ઘરને અન્યોનાં ઘર કરતાં વધારે સારું અને સુંદર બનાવવા માંગે છે. પણ દુનિયામાં એવા પણ કેટલાક લોકો છે જેઓ તેમનાં ઘરને માત્ર સુંદર અને સારું જ નહીં પણ અનોખું અને અદભુત બનાવવામાં માને છે. તેમનાં મકાનો જોઈને કોઈ માણસ કલ્પના ન કરી શકે કે આ દુનિયામાં આવા પણ મકાનો હોઈ શકે.
હવે તમે જ વિચારો, શું તમે ક્યારેય એવું વિચાર્યું છે કે તમારાં મકાનનો કોઈ ચોક્કસ આકાર જ ન હોય અને તે જમીનની અંદર હોય કે પછી પર્વતની અંદર હોય? નહીં ને.. તો દુનિયાનાં આવા જ કેટલાક લોકોનાં મકાનો સાથે આપણે આજે રૂબરૂ થવા જઈ રહ્યાં છીએ જે સામાન્ય મકાનો કરતાં ઘણાં અલગ છે અને ત્યાં રહેવાની મજા જ કઇંક અનોખી છે.
આ મકાનોનાં નિર્માણ પાછળ ખર્ચ અને મહેનત બન્ને વધુ લાગ્યા છે અને એટલા માટે જ તે અન્ય મકાનોની સરખામણીએ થોડા જૂદા છે. તો ક્લિક કરો આગળની સ્લાઇડ અને તસવીરો સાથે જુઓ અને જાણો આ અનોખાં મકાનો વિશે..
વાલ્સનાં સ્વિસ પર્વતિય ગામમાં બનેલું આ મકાન કેટલું અદભુત છે, એ વાત તમે આ તસવીર જોઈને જ સમજી જશો. આ અદભુત મકાન એક જ બાજુથી ખૂલ્લું છે, તેની બાકીની ત્રણેય બાજુ પર્વતની અંદર જ સમાઈ ગઈ છે. આ મકાનથી હમેશા ઉગતાસૂર્યનાં દર્શન થઈ શકે એટલાં માટે તેને પૂર્વાભીમૂખ તૈયાર કરવામાં આવ્યું છે.
વાલ્સનાં સ્વિસ પર્વતિય ગામમાં બનેલા આ મકાનની ડિઝાઇન એવી રીતે તૈયાર કરવામાં આવી છે કે ગરમીનાં સમયમાં અંદરનું વાતાવરણ ઠંડુ અને ઠંડીમાં ગરમ બનેલું રહે.