મોરબી: મોરબી જિલ્લાના ટંકારા તાલુકાના અમરાપર જેવા નાનકડા ગામમાં માત્ર 10 પાસ ખેડૂત પુત્રે પોતાની લગન અને મહેનત વડે એવી અનોખી શોધ કરી છે જેના કારણે મહામુલી વીજળી તો બચાવી જ શકાય છે. સાથે જ વીજળીથી ચાલતા ઉપકરણોને પણ એક મોબાઈલથી ચાલુ બંધ કરી શકાય છે.
સરપંચના કહેવાથી યુવાને બનાવી ટેક્નિક
અમરાપરમાં 10 વર્ષથી સરપંચ તરીકે સેવા આપનારા હુશેનભાઈ કડીવાર જણાવ્યું હતું કે, અમારા ગામની વસતી 1800ની છે. ગ્રામજનોની સુવિધા માટે ગામમાં 60 એલઈડી લગાવી છે. જેનું સંચાલન કરવા માટે ગામના યુવાન અવેશ બાદી નામના યુવાનનો સંપર્ક કર્યો હતો. તેને લાઈટોને મોબાઈલથી ચાલુ બંધ કરવાની સર્કિટ બનાવવા માટે કહ્યું હતું.
બે વર્ષ પહેલા યુવાને બનાવી ટેક્નિક
સરપંચના કહેવાથી અવેશે બે વર્ષ પૂર્વે આવો પ્રયોગ સફળ રીતે કર્યા બાદ ગામના હિતમાં આ લાઈટો મોબાઈલથી ચાલે તેવી ટેક્નિક વિકસાવી હતી. જેથી સમયસર લાઈટો ચાલુ બંધ કરી શકાય અને વીજળીની બચત કરીને તેનો વ્યય થતો અટકાવી શકાય. આ મામલે ગામના સરપંચે વધુમાં જણાવ્યું હતું કે, મને વડાપ્રધાન મોદીની ડિજીટલ ઇન્ડિયા ઝુંબેશમાંથી પ્રેરણા મળી હતી. ત્યારથી ડિજીટલ અમરાપર ગામ બનાવવાનું નક્કી કર્યું હતું જેને યુવાનની મદદથી સાર્થક પણ બન્યું છે.
No comments:
Post a Comment